gan
Y Glorian
Llun: Huw Tegid Roberts
Ar noson ddigon gwlyb (nos Fercher, 13 Mawrth), roedd awyrgylch gynnes yn neuadd T. C. Simpson, Llangefni wrth i’r chwiorydd o Fodedern, Elain a Glesni Rhys a chymar Elain sef Steffan roi awr o adloniant ar noson glo Cymdeithas Lôn y Felin.
Cafwyd unawdau, deuawdau a datganiadau ar y piano a’r delyn. Braf hefyd oedd canu’r anthem ar y diwedd!
Do, fe fwynhaodd pawb gan ddweud ein bod ni’n lwcus o gael y fath dalent ar garreg y drws. Mae pawb yn edrych ymlaen at dymor nesaf y gymdeithas yn barod!
Croesawyd pawb gan Llifon Jones a Huw Tegid Roberts dalodd y diolchiadau.