gan
Y Glorian
Mae acwariwm blaenllaw yng Nghhymru, Sŵ Môr Môn, wedi cael ei ganmol am ei waith cadwraeth rhagorol.
Mae Janet Finch-Saunders AS, Gweinidog Newid Hinsawdd yr Wrthblaid, a Virginia Crosbie, Aelod Seneddol Ynys Môn, wedi sôn am eu llawenydd gydag ymdrechion Frankie Hobro, Cyfarwyddwr, a’r holl dîm yn y Sŵ Môr i amddiffyn a gwella bywyd morol.
Mae’r acwariwm yn cynnal rhaglenni bridio, rhyddhau, cadwraeth, glanhau traethau, ac addysg, ac mae ganddo gynlluniau i ehangu ei ymdrechion ymhellach fyth.
Meddai Janet Finch-Saunders, sy’n chwarae rhan allweddol wrth hyrwyddo polisi morol yn y Senedd, wedi’r ymweliad:
“Mae’r gwaith cadwraeth sy’n cael ei wneud yn Sŵ Môr Môn yn rhywbeth y dylai’r tîm cyfan fod yn falch iawn ohono.
“Ar hyn o bryd maen nhw’n codi arian i’w galluogi i barhau â’u cynllun cefnogi crwbanod trwy adeiladu’r Cyfleuster Achub ac Adsefydlu Crwbanod cyntaf yn y DU.
“Gwnaeth y Rhaglen Bridio Morfarchogion argraff fawr arnaf. Sŵ Môr Môn yw un o’r unig lefydd yn y byd sydd wedi magu’n morfeirch brodorol y DU yn llwyddiannus mewn caethiwed!
“Mae’r gwaith sy’n cael ei wneud yn y Sŵ Môr yn wirioneddol anhygoel a phwysig. Diolch i’r Cyfarwyddwr Frankie Hobro a’r tîm am eich holl waith caled sy’n cael effaith gadarnhaol ar ein hymdrechion unedig i frwydro yn erbyn yr argyfwng hinsawdd a natur”.
Wrth siarad am y cyfraniad amhrisiadwy y mae’r Sŵ Môr yn ei wneud i Ynys Môn a Chymru, dywedodd Virginia:
“Mae Sŵ Môr Môn yn atyniad anhygoel yma yng Nghymru.
“Mae’r acwariwm yn unigryw gan mai dyma’r unig un yn y DU i arddangos bywyd morol Prydain yn unig.
Amlinellodd Frankie ei chynlluniau uchelgeisiol i ehangu a’i phryderon ynghylch cynigion a chyllid treth twristiaeth Llywodraeth Cymru.
“Bydd Janet a minnau yn parhau i gydweithio i gefnogi prosiectau sy’n cael effaith gadarnhaol ar ein cymuned, newid hinsawdd, a swyddi yn y Gogledd”.