Llio Davies
Unrhyw syniad pryd fydd y canlyniad? 🤔
Cychwyn y cyfri yn y munudau nesaf. 3:00AM oedd yr amcangyfrif gan y cyfryngau yn gynharach heddiw.
gan
Owain Siôn
Mae’r ymgyrchu ar ben, pob blwch pleidleisio wedi cau a phob papur ar ei ffordd yma i Langefni. Gyda’r arolwg ymadael yn dangos Llafur 209 sedd ar y blaen o’r Ceidwadwyr, mae pob llygad nawr yn troi at yr etholaethau lleol i weld a yw hyn yn wir ac a fydd y wlad yn deffro i blaid newydd mewn llywodraeth am y tro cyntaf ers 2010. Yma ar Ynys Môn, mae 3 ymgeisydd i weld yn obeithiol o gymryd y sedd sydd wedi bod yn nwylo Virginia Crosbie ers 2019. Ymunwch â ni wrth i ni eich tywys trwy pob sï, pob diweddariad… a phob byrbryd amrywiol.
Os oes diddordeb gennych chi mewn sut mae pethau’n mynd y tu hwnt i’r Ynys, ewch i flog byw golwg360 lle cewch glywed y sylwebaeth a’r sïon ar draws Cymru a thu hwnt.
Difyr iawn!
Y turnout i lawr bron i 9% ar 2019, er bod yr arolygon yn dangos canlyniadau syfrdanol ar draws y wlad.
Beth all hyn olygu i’r ynys?
- Bod pobl yn hapus fel y mae hi yma, a bod hi am fod yn noson gwell i Virginia Crosbie na’r disgwyl?
- Bod pobl wedi cymryd yr arolygon yn ganiataol ac yn disgwyl pobl eraill i bleidleisio am lywodraeth Lafur ar eu rhan – gan o bosib agor y drws i ffyddloniaid Plaid Cymru neu’r Ceidwadwyr?
- Bod yna ddiffyg cyffro, diddordeb ac angerdd ar hyd yr etholaeth dros wleidyddiaeth etholaethol?
Mae hyn yn gadael ni’n hollol agored i ddarogan canlyniad rhwng y 3 sydd ar y blaen.
YMDDANGOSIAD – 61.55%
DIWEDDARIAD
Y gwirio wedi gorffen, y blychau didoli allan.
Dim arwydd o ennill cryf gan neb ar hyn o bryd.
Mae’r sylwadau wedi cau.
Gornest y Goodies
Reit, beth am gychwyn ar gwir bencampwriaeth y noson – y snacks. Rhwng craffu ar wynebau ymgeiswyr ar lawr y cyfrif, a chadw llygad barcud ar yr arolygon barn, dwi wedi holi ar hyd galeri’r wasg beth sydd yn cadw nhw fynd heno. Dyma flas o’r tri cyntaf:
Y Press Association
Bananas, Flapjacks, Brownies, Dŵr a Tê.
ITV Cymru
Digestives, Mentos a Coffi.
ITN
Red Bull a Jakemans – ma nhw’n hardcore yn ITN!
Ac wrth gwrs, y spread aruthrol sydd yn y llun uchod yw fy nghynnig i ar gyfer y noson – diolch i Rhys (ar y blog cenedlaethol) am gynnig diawl o ddim!
Rhowch wybod yn y sylwadau pwy sydd ar y blaen.
ITV yn solid.
Mae’r sylwadau wedi cau.
DIWEDDARIAD
Y sï ar y balconi yw na fydd Virginia Crosbie yn gwneud cyfweliadau heno.
Bosib iawn y cawn glywed gan Llinos Medi yn yr oriau nesaf.
Ieuan Môn Williams dal heb gyrraedd.
Dim ond awr sydd wedi bod, a mai’n poethi yma!
Joio y blog!
Ydi Ieuan wedi cyrraedd bellach?
Mae’r sylwadau wedi cau.
Wedi cael cadarnhad gan staff Plas Arthur – y bocsys i gyd wedi cyrraedd. Croeso i ddiwrnod Dolig yr anoracs gwleidyddol!
Yr Arolwg Ymadael
Awr ar ôl i’r blychau gau, beth am gymryd golwg ar yr arolwg ymadael, fydd yn rhoi’r syniad gorau i ni o fap gwleidyddol y DU bore fory.
Yn ôl S4C, mae gwaith Ipsos yn dangos mwyafrif “ysgubol” i Lafur yn Nhŷ’r Cyffredin:
Llafur – 410
Y Ceidwadwyr – 131
Y Democratiaid Rhyddfrydol – 61
Reform – 13
Plaid Genedlaethol yr Alban (SNP) – 10
Plaid Cymru – 4
Y Blaid Werdd – 2
Eraill – 19
Beth sydd yn nodweddiadol am yr arolwg yma, yn benodol ar gyfer Ynys Môn, yw’r 4 sedd yna i Blaid Cymru (sydd i fyny 2 o etholiad 2019). Mae’n amlwg (cywirwch fi, Sion a Lowri!) bod Ceredigion Preseli a Dwyfor Meirionydd am fod yn 2 eithaf diogel i’r Blaid, ond eu targedau pennaf eleni oedd Caerfyrddin a Môn – arwydd o lwyddiant neu sioc sylweddol yn Llanelli neu Bangor Aberconwy?
Mae’r Ceidwadwyr yn debygol o golli 241 sedd heno – ai yma fydd un ohonyn nhw? Yntau a yw’r bleidlais bersonol i Virginia Crosbie yn gallu goresgyn teimladau cyffredinol y wlad tuag y blaid genedlaethol?
Y Gofrestr
Fel mae’r gwirio yn prysuro, dim ond 3 ymgeisydd sydd i’w weld ar lawr y cyfrif ar hyn o bryd:
- Virginia Crosbie o’r Ceidwadwyr, yn amddiffyn ei sedd.
- Llinos Medi o Blaid Cymru.
- Sir Grumpus L. Shorticus ar y Monster Raving Loony Party.
Ydi hyn yn arwydd o hyder neu bryder gan y 3? Beth mae Sir Grumpus yn ei wybod nad ydym ni?
Mae 5 arall yn cystadlu yma ym Môn:
- Leena Farhat – Y Democratiaid Rhyddfrydol
- Emmett Jenner – Reform UK
- Martin Schwaller – Y Blaid Werdd
- Ieuan Williams – Llafur
- Sam Wood – Libertarian Party
Cawn weld os y bydden nhw’n ymuno â ni hwyrach ymlaen, ond mae llygaid eu timau wedi eu hoelio ar y papurau ar hyn o bryd ta waeth.
Leena Farhat yn bresennol!
Emmett Jenner a Reform yn bresennol!
Mae’r sylwadau wedi cau.
Croeso
Mae’r bocs cyntaf yn ein cyrraedd ni yma ym Mhlas Arthur. Gwirio pleidleisiau fydd y job gyntaf wrth gwrs, ond gyda llygaid barcud yr asiantau cyfrif o bob plaid, gobeithio y cawn ni rhyw hanner syniad o bwy sydd yn edrych yn hyderus a phwy fydd yn mynd am baned a bath cynnar. Ond yn sicr, fydda i a thîm Golwg360 yma gyda chi tan y diwedd un.
Trwy gydol y nos, byddwn yn dod a cyfweliadau, sylwadau ac unrhyw arsylwad o bwys wrth i chi setlo fewn i beth all fod yn noson etholiad hanesyddol.
Ac wrth gwrs, os ydych chi eisiau ymuno â’r drafodaeth, peidiwch oedi rhag gadael sylwad ar waelod unrhyw ddiweddariad. Yn bennaf, gadewch i ni wybod pa snacks sy’n cadw chi fynd heno…
Er mwyn gadael sylw, mae angen mewngofnodi neu ymuno â’r safle.