Gwasanaeth Carolau CFfi Ynys Môn

Cynhaliwyd ein gwasanaeth carolau blynyddol ar nos Sul yn Neuadd y Plwyf Llandegfan. Rydym yn hynod o falch o ddweud ein bod wedi llenwi’r neuadd gyfan ar y noson. Mae’r gwasanaeth yn cael ei gynnal yn flynyddol mewn lleoliad gwahanol yn dilyn dewis y Cadeirydd Sirol. Eleni Will Hughes yw ein Cadeirydd, felly mi roedd yn hynod o falch o groesawu ni i Landegfan eleni. Dewisodd Will eleni mai ein helusen ddewisol oedd y gwasanaeth gweithgar Hosbis Dewi Sant Ynys Môn. Braint oedd cael eu croesawu ar y noson iddynt rannu eu cefndir a’r holl waith caled, gan rannu’r pwysigrwydd digwyddiadau codi arian fel hon.

O dan arweiniad Will mi gafwyd gwledd o ran darlleniadau a chanu. Dechreuwyd gyda darn darllen o Matthew 2:1-12 gan Mererid Richards, sef ein cyd-drysorydd sirol. Dilynwyd gan adroddiad eithaf digri a hwyliog gan Ynyr Williams sef aelod o glwb Bodedern. Darlleniad wedyn gafwyd gan Manon Rowlands ein cadeirydd hyfforddiant o Luc 2: 8-21. Yn dilyn hyn, clywyd lleisiau hyfryd parti canu clwb Rhosybol. Daeth y darlleniad nesaf gan Lois Angharad, sef aelod o glwb Penmynydd. Clywed adroddiad gan glwb Dwyran a chlwb Llangefni daeth yn nesaf ar y noson. I orffen y diddanu gan ein clybiau, gwrandawyd ar barti canu clwb Llangoed, hyfryd oedd eu gweld yn creu defnydd o BSL wrth ganu. I orffen y noson, rhannwyd diolchiadau gan Will.

Yna, gorffennwys y noson gan ein Llywydd sirol sef Ellena Thomas-Jones gyda’r Fendith a’r garol olaf.

Rydym wedi rhannu rhan fach o’r noson hefo chi. Diolchwyd hefyd i’n swyddogion sirol Meinir Thomas-Parry a Lowri Hughes am ddarllen rhai o’r carol. Diolch hefyd i’n cyfeilyddes Non Williams.

Aethom ymlaen wedyn i gael paned a sgwrs gyda danteithion melys wedi eu rhannu gan aelodau o ffrindiau clwb Penmynydd. Rydym yn hynod o falch o rannu’r llwyddiant ein bod wedi codi dros £370 ar gyfer Hosbis Dewi Sant. Hoffwn ddiolch i bawb a oedd yno yn ein cefnogi ag am eu rhoddion hael i’r elusen.