Llwyddodd Seindorf Beaumaris i gipio trydydd safle yn Adran Gyntaf Pencampwriaethau Bandiau Pres Ynysoedd Prydain yn gynharach ym mis Medi.
Roedd Beaumaris, o dan arweiniad Bari Gwilliam, yn cynrychioli Cymru yn y gystadleuaeth yn dilyn eu llwyddiant ym Mhencampwriaeth Cymru yn Neuadd Brangwyn, Abertawe yn gynharach yn y flwyddyn.
“Roedd yn ganlyniad hollol annisgwyl gan mai dyma ein blwyddyn cyntaf yn cystadlu ar y lefel yma,” meddai Bari. “Dwi mor falch o’r holl aelodau ac yn ddiolchgar am yr holl waith caled yn paratoi at y gystadleuaeth.”
Dyma’r pedwerydd blwyddyn o’r bron i Beaumaris gynrychioli Cymru ym Mhencampwriaeth Prydain yn Cheltenham wrth iddyn nhw sicrhau dyrchafiad o’r Bedwaredd Adran i’r Adran Gyntaf.
Mae eu perfformiad o St James’s A New Beginning, gwaith gan Philip Harper, i’w glywed yma.